FREQUENTLY ASKED QUESTIONS
"Mga sagot sa mga kadalasang tanong."
Please feel free to call us if you can't find an answer to your question(s) here.

1. Remittance
• Gaano katagal bago matanggap ang pera sa Pilipinas?
• Paano kung walang PNB account ang padadalhan ko?
• Buo bang matatanggap ang pinadala ko sa pamamagitan ng remittance facilities ng PNB sa Singapore? Mababawasan ba ng mga iba pang charges?
• Ano ang Door-to-door delivery?
• Safe bang magpadala kahit ano ang status ko dito sa Singapore?
• Ano ang "dormant account" at "minimum maintaining balance"?

Mga Kasagutan sa inyong mga katanungan.

• Gaano katagal bago matanggap ang pera sa Pilipinas?
  
  Kung ang padadalhan ay PNB account din, pagka-enter namin sa computer dito ay nandon na po kaagad sa Pilipinas. Kung ibang bangko naman, 2-3 working days within Metro Manila at 5 working days sa probinsiya.

• Paano kung walang PNB account ang padadalhan ko?
  
  OK lang po yun, medyo mas matagal lang bago makarating, 2-3 working days within Metro Manila at 5 working days sa probinsiya. Kaya mas maganda kung may account sa PNB
  ang inyong padadalhan. Sa isang kisap lang ay nandoon na ang pera. At sigurado pa . . .

• Buo bang matatanggap ang pinadala ko sa pamamagitan ng remittance facilities ng PNB sa Singapore? Mababawasan ba ng mga iba pang charges?
  
  Pag sa PNB Singapore po niyo pinadala at may account sa PNB ang inyong beneficiary, buo ang pera na matatanggap at dapat walang bawas ni isang kusing. Kung sa ibang bangko, kompanya o pamamaraan niyo pinadala ang pera at ito ay nabawasan, hindi po PNB ang nagbawas dito. Alamin po ninyo sa inyong beneficiary kung magkano ang nabawas at bakit nabawasan ang pinadalang pera.

  Pag walang account sa PNB ang inyong pinadalhan o pag account sa ibang bangko naman, P0.30 bawat P200.00 para sa documentary stamp tax ng BIR at P100.00 para sa gastos ng PNB branch sa Pilipinas ang ibabawas sa pera. Ang ibang bangko o kompanya ay babawas din ng kanilang charges.

back to top

• Ano ang Door-to-door delivery?
  
  Door-to-door ay para sa mga padadalhan na walang bank account sa Pilipinas. Ang pera (Peso equivalent) ay i-aabot mismo sa taong padadalhan niyo. Paalala lang na hanggang 20,000 pesos lang po ang pwedeng idoor to door.

• Safe bang magpadala kahit na ano ang status ko dito sa Singapore?
  
  Opo. lahat ng transaction ninyo sa banko ay confidential at hindi basta basta ipinamimigay lamang.

• Ano ang "dormant account" at "minimum maintaining balance"?

  Ang peso o dollar savings account sa Pilipinas ay magiging dormant kung walang hulog o kaya withdrawal sa loob ng dalawang taon. Pag dormant na ang account may penalty na PHP100.00 bawat buwan kung peso account at USD10.00 bawat buwan kung dollar account. Kung sakaling nabawasan ang inyong account o account ng inyong beneficiary samantalang may hulog o kaya withdrawal sa loob ng dalawang taon, ipagbigay alam po lamang sa kahit sinong opisyal o empleyado namin para sa ganoon ay magawan ng paraan para maibalik ang nabawas na halaga.

  Ang "minimum maintaining balance" ay iyong pinakamababa na halaga o balanse ng account na dapat manatili o maiwan sa account. Sa peso account, ang "minimum maintaining balance" ng inyong account o ng inyong beneficiary ay PHP100.00 at sa dollar account naman ay USD200.00. Pag bumaba sa PHP100.00 o kaya USD200.00 ang balanse, may penalty na PHP50.00 bawat buwan kung peso account at USD10.00 bawat buwan kung dollar account. Kaya pakisabi lang po sa inyong beneficiary na ang balanse ng kanilang account ay hindi dapat bumaba
  sa nasabing "minimum maintaining balance" para maiwasan ang penalty.

  Para sa inyong karagdagang kaalaman, ang mga nasabing penalties ay inilala-an bilang kompensasyon ng bangko para sa patuloy na pag-maintain at pag-administrar ng accounts sa libro ng bangko.
  

back to top